स्वेरीच्या ४९ विद्यार्थ्यांची ‘कॅपजेमिनी’ या कंपनीत निवड

स्वेरीकडून विद्यार्थ्यांना यावर्षी ६०० हून अधिक नोकरीच्या संधी पंढरपूरः ‘कॅपजेमिनी’ या बहुराष्ट्रीय दर्जाच्या कंपनीने घेतलेल्या मुलाखतीत गोप...

स्वेरीकडून विद्यार्थ्यांना यावर्षी ६०० हून अधिक नोकरीच्या संधी

पंढरपूरः ‘कॅपजेमिनी’ या बहुराष्ट्रीय दर्जाच्या कंपनीने घेतलेल्या मुलाखतीत गोपाळपूर (ता.पंढरपूर) येथील स्वेरी संचलित अभियांत्रिकी महाविद्यालयातील तब्बल ४९ विद्यार्थ्यांची कॅम्पस इंटरव्युवद्वारे निवड करण्यात आली असून स्वेरीकडून विद्यार्थ्यांना यावर्षी ६०० हून अधिक नोकरीच्या संधी देण्यात आलेल्या आहेत.' अशी माहिती संस्थेचे संस्थापक सचिव व अभियांत्रिकी महाविद्यालयाचे प्राचार्य डॉ.बी.पी. रोंगे यांनी दिली.

         ‘कॅपजेमिनी’ या बहुराष्ट्रीय कंपनीच्या निवड समितीने गोपाळपूर येथील इंजिनिअरिंग कॉलेजमधील विद्यार्थ्यांच्या मुलाखती घेतल्या. त्यांनी या निवड प्रक्रियेच्या अंतिम फेरीतून शिवानी राजकुमार घायतिडक, हनुमान मनोहर जाधव, महेश अनिल थोरबोले, श्रद्धा अण्णाराव सुरवसे, संस्कृती राजकुमार पैतवार, प्रतिक सुभाष देशपांडे, रोहन उदय शिंदे, श्रुती बापूसाहेब बिले, नवीन अमोल मदुर, प्रियांका मारुती माने, अभिजीत अजय कारंडे, प्रतीक राजेंद्र यादव, सानिका रमेश व्यवहारे, गौरव राजेंद्र वाघमारे, चेतन रमेश क्षीरसागर, विवेक महेश निकते, फिझा सैफन शेख, स्नेहा चिंतामणी लोहोकरे, मधुरा मिलिंद बडवे, सोहम नागेश नलवडे, दिक्षा दिगंबर लाळे, क्षिप्रा विद्याधर कुरणावळ, प्रतीक्षा संजय खोबरे, मंगेश धनंजय वेदपाठक, सुयश शंकर आवताडे, ओंकार महादेव येळसंगे, आदित्य दत्तात्रय पवार, ऋषिकेश पितांबर देशमुख, विजय रंगनाथ साळुंखे, वैष्णवी झुंबर सुरवसे, कैवल्य काकासाहेब माने, श्रद्धा दत्तात्रय गजाकोश, अथर्व मकरंद कुलकर्णी, सचिन अशोक क्षीरसागर, निखील दिलीप मुंढे, युवराज विनोद शेलार, धनंजय राजेंद्र आदमाने, काशिलिंग कालिदास सरक, विवेक दशरथ रोंगे, अनिकेत अण्णासाहेब बनसोडे, रिधम गिरीश परमार, रोहित दत्तात्रय विधाते, ओंकार संतोष पवार, मदन कल्याण पाटील, जयदेव दिपक ननवरे, गणेश शंकर तोडकर, निलेश संजय कदम, सौरभ बंडू कडसरे व ऋतिक रमेश घोडके या ४९ विद्यार्थ्यांची निवड केली. 

या विद्यार्थ्यांना प्रत्येकी वार्षिक रु.४ ते ७.५ लाखांचे पॅकेज मिळाले आहे. १९९८ साली स्थापन झालेल्या स्वेरी अभियांत्रिकीमधून प्लेसमेंटच्या माध्यमातून आजपर्यंत हजारो विद्यार्थ्यांना नोकऱ्या देण्यात आल्या आहेत. स्वेरीचे विद्यार्थी आज विविध राष्ट्रीय व आंतरराष्ट्रीय कंपन्यात आपले उत्तम करिअर घडवीत आहेत. ‘स्वेरी’ मधून विविध कंपन्यात प्लेस होणाऱ्या विद्यार्थ्यांची संख्या दिवसेंदिवस वाढत असल्याचे सध्याच्या आकडेवारीवरून दिसून येते. विद्यार्थ्यांना ट्रेनिंग व प्लेसमेंट विभागामार्फत स्वतंत्रपणे कुशल प्रशिक्षकांद्वारे एप्टीट्युड, कम्युनिकेशन स्कील, टेक्निकल स्कील, विविध सॉफ्टवेअर्स, मॉक इंटरव्युव्ह यांचे प्रशिक्षण दिले जाते. स्वेरीमध्ये वार्षिक परीक्षांचे उत्कृष्ट निकाल, संशोधने, मानांकने, इन्फ्रास्ट्रक्चर याबरोबरच विद्यार्थ्यांच्या भवितव्याचा विचार करून करिअरच्या दृष्टीने सर्वात महत्वाच्या समजल्या जाणाऱ्या प्लेसमेंटकडे देखील अधिक लक्ष दिले जाते व मोठमोठ्या कंपन्यांना हवे तसे प्रशिक्षणार्थी विद्यार्थी घडविण्यासाठी प्रशिक्षित तज्ञांकडून उत्कृष्ट मार्गदर्शन केले जाते. मागील वर्षी कोरोनाचा प्रभाव असताना देखील कॅम्पस प्लेसमेंटद्वारे तब्बल ६०० पेक्षा अधिक नोकरीच्या संधी प्राप्त करून देण्यात आल्या. या विद्यार्थ्यांना शिक्षण पूर्ण होण्यापूर्वीच नोकरीच्या संधी उपलब्ध झाल्यामुळे विशेषतः पालक वर्गात आनंदाचे वातावरण पसरले आहे. एकीकडे स्वेरीने प्रवेश प्रक्रियेत व वार्षिक परीक्षेच्या निकालात मारलेली गरुड झेप दिसून येते तर दुसरीकडे स्वेरी अभियांत्रिकीला देशातील शैक्षणिक क्षेत्रात महत्वपूर्ण असलेले ‘नॅक’ अर्थात ‘नॅशनल असेसमेंट अँड अॅक्रिडिटेशन कौन्सिल’चे ४ पैकी३.४६ सीजीपीए सह ‘ए प्लस’ हे मानांकन मिळाले आहे. ए.आय.सी.टी.ई (ऑल इंडिया कौन्सिल फॉर टेक्निकल एज्युकेशन) व यु.जी.सी.(युनिव्हर्सिटी ग्रँटस कमिशन) यांच्याशी संलग्नित असणारे व ४ पैकी ३.४६ सीजीपीए सह नॅकचे ‘ए प्लस’ मानांकन मिळविणारे स्वेरीज् कॉलेज ऑफ इंजिनिअरिंग हे सोलापूर विद्यापीठातील पहिले व एकमेव अभियांत्रिकी महाविद्यालय ठरले आहे. 

सदर विद्यार्थ्यांना ट्रेनिंग अँड प्लेसमेंट व संबंधित विभागातील प्राध्यापकांचे मार्गदर्शन लाभले. संस्थेचे संस्थापक सचिव व अभियांत्रिकी महाविद्यालयाचे प्राचार्य डॉ.बी.पी. रोंगे, संस्थेचे अध्यक्ष नामदेव कागदे, उपाध्यक्ष अशोक भोसले तसेच संस्थेचे पदाधिकारी व विश्वस्त, स्वेरी अंतर्गत असलेल्या इतर महाविद्यालयांचे प्राचार्य,अधिष्ठाता, विभागप्रमुख, प्राध्यापक वर्ग, शिक्षकेतर कर्मचारी यांच्यासह पालकांनी ‘कॅपजेमिनी’ या कंपनीमध्ये कॅम्पस इंटरव्ह्यूमधून निवड झालेल्या सर्व विद्यार्थ्यांचे अभिनंदन केले.